22 يناير، 2012

شرح كيفية عمل الكيراتين للشعر في المنزل

شرح كيفية عمل الكيراتين للشعر في المنزل وماتتغرميش 1000 جنيه للكوافير
حصريا للمنتدى شرح طريقة عمل الكيراتين في المنزل دون الحاجة للذهاب للكوافير وتدفعي 1000 جنيه فقط صنعة ايده .
كل ما ستحتاجيه هو اي حد معاكي بيعرف يمسك البيبي ليس.
مبدئيا:
قبل الكيراتين لازم نغسل الشعر بشامبو اسمه clearifying shampoo موجود في ماركة paul brown
كيفية الكيراتين للشعر الكيراتين للشعر

وموجود في ماركة suave
كيفية الكيراتين للشعر الكيراتين للشعر
طبعا paulbrown احسن بكتييييييير من suave
الاولى سعرها تقريبا 150 ج والتانية 39 ج واللى نتيجتها كويسة هى بول براون.
بنغسل الشعر مرات عديدة متتالية لحد انتهاء الزجاجة ولو كان الشعر متعب جدا ومتقصف جامد ممكن نستخدم زجاجة ونصف الى زجاجتين.
ثم ننشف الشعر بالسيشوار ونجيب الشعر الى الامام ونقسمه 4 اجزاء ونقسم كل جزء من اربعه الى خصل.
كيفية الكيراتين للشعر الكيراتين للشعر
بنجيب الكيراتين ونحط كمية معقولة في اناء (( صيني )) مش معدن ونمسك خصلة خصلة وبفرشة الصبغة نبلها كيراتين واعمل ربت في اماكن متفرقة من الخصلة لحد مالخصلة كلها تشرب الكيراتين ثم ادعك الخصلة كاملة بالفرشة وبعد كدة الخصلة اللى وراها لحد ما اخلص الاربع اجزاء اللي انا عملتهم .
بعد كدة هانشف الشعر نص تنشيفة بالسيشوار . واجهز البيبي ليس على درجة حرارة 400 .
طبعا مفيش بيبي ليس درجتها 400 فاباستخدم واحدة درجة حرارتها 200 وباسحب الخصلة مرتين.
هانقسم الشعر تانى اربع اجزاء وكل جزء اعمله خصل.
وامسك البيبي ليس واقفل بيها علي الخصلة عدة مرات لمدة ثانية او اقل في اماكن متفرقة من الخصلة كنوع من التنبية للشعر انه في حرارة قادمة ثم اسحب الخصلة من اولها لاخرها مرتين لو درجة الحرارة 200 عشان تاخد 400 درجة.
واكرر الموضوع مع كل الخصل لحد الشعر كله مايخلص . بعد كدة اسيب الشعر كدة سايب مش مربوط لمدة 3 او 4 ايام وبعد كدة باغسل بشامبو الكيراتين اللي بعد الكيراتين وباشطف ببلسم الكيراتين وباسرح بكريم الشعر بالكيراتين.

ده نوع كيراتين كويس اسمه بول براون
كيفية الكيراتين للشعر الكيراتين للشعر
وفي نوع تانى برازيلى اسمه جلوبال لكنه يحتوى عل 4% فورمالين وانا مش بانصح بيه .
ولو في اي استفسار عن انواع الشامبو قبل وبعد الكيراتين والكيراتين نفسه سيبي سؤالك وهاتلاقى الرد يوميا
 

هناك 3 تعليقات:

  1. طب هي المجموعه كلها تبقي بكام ؟؟ وبالكيراتين انواعه ايه واسعاره ؟؟

    ردحذف
    الردود
    1. بول براون كيراتين بدون فورمالين 3100 امريكي
      جلوبال كيراتين في 2% 3500 برازيلي
      جلوبال كيراتين 4% 3700 برازيلي
      في انواع لبنانى وافريفي

      حذف
    2. الشامبو قبل الكيراتين 170 ج
      بعد الكيراتين 170 ج
      بلسم بعد شامبو بعد الكيراتين 170ج

      حذف